Négiriyide yene ikki xitay inzhénér qoralliq hujumgha uchridi

Charshenbe küni négiriyide yene ikki neper xitay inzhénér qoralliq hujumgha uchrap öldi. Weqe etigen sa'et 10:30 etrapida yüz bergen bolup, qoralliq kishiler xitay qurulush shirkitining damaturu shehirining bénishek rayonidiki ish yérige kélip, bu inzhénérlarni qoral bilen étip öltürgen.
Muxbirimiz irade
2012.11.08
Share on WhatsApp
Share on WhatsApp

Bu yéqinqi bir qanche hepte ichide yüz bergen üchinchi qétimliq hujum qilish weqesi. 7-Öktebir we 19-öktebir künliri yüz bergen hujumlardimu ikki neper xitay qurulush ishchisi öltürülgen idi.

Fransiye agéntliqining éytishiche, hazirghiche weqening jawabkarliqini héchqandaq bir teshkilat üstige almighan bolsimu, négiriye da'iriliri bu hujumning ilgirimu bir qisim qoralliq heriketler bilen ismi tonulghan jama'etul ixlas namidiki islami teshkilati teripidin qilin'ghan bolushi mumkinlikini bildürgen.

Négiriyide xitay shirketlirini nishan qilghan bu xil heriketler ilgiri yüz bergende mes'uliyetni üstige alghan teshkilatlar xitayning négiriyini talan-taraj qilip, xelqige zorawanliq qiliwatqanliqini, xitay bu yerdin chiqip ketmigüche xitay puqralirigha qaratqan hujumni dawam qilidighanliqini agahlandurghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.