Үрүмчи шәһири тәңритағ райони нәшр буюмлириға қарита 'тазилаш' елип барди

Нөвәттә үрүмчи шәһири тәңритағ районлуқ һөкүмити, өз райони тәвәсидә нәшр буюмлириға қарита тазилаш елип барған болуп, үрүмчи шәһириниң һөкүмәт торида көрситилишичә, һейт - байрам мунасивити билән елип берилған тазилашта йиғивелинған нәшр буюмлири 8 миң парчиға йетидикән.
Мухбиримиз җүмә
2008.12.29
Share on WhatsApp
Share on WhatsApp

Хәвәрдә көрситилишичә, бу қетимқи тәкшүрүш асасән "қанунсиз нәшр буюмлири" ға қаритилған болуп, бу җәрянда 6200 орун тәкшүрүлгән.

Мәлум болушичә, йиғивелинған нәшр буюмлири ичидә 2700 парчә "қанунсиз" үн - син пластинкиси, 3400 парчә "қанунсиз" китаб, 1800 парчә тәшвиқат варақлири бар икән.

Үрүмчи шәһири тәңритағ районида асасән уйғурлар топлишип яшайдиған болуп, көплигән уйғурларниң дөңкөврүк, булақбеши вә консул кочиси әтрапида китаб яймиси ечип тирикчилик қилидиғанлиқи мәлум.

Һалбуки, хәвәрдә бу нөвәтлик тәкшүрүштә йиғивелинған нәшр буюмлириниң қанчә пирсәнтини уйғур тилидики нәшр буюмлири тәшкил қилидиғанлиқи ашкариланмиған.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.