Obama bilen sarkozi normandida ikkinji dunya urushining 65 yilliqini xatirilidi

Buningdin 65 yil burun, 1944 ‏ - yili 6 ‏ - ayning 6 ‏ - küni, ikkinji dunya urushida amérika, kanada, en'giliye qisimliri nassist gérmaniyisi ishghal qiliwalghan fransiye zimini normandida quruqliqqa chiqqan idi. Bügün bu weqening 65 yilliq xatire künide, amérika prézidént barek obama bilen fransiye prézidénti sarkozi köp mesililerde pikirleshkendin kéyin, normandigha bérip, en'giliye, kanada rehberliri eyni waqittiki amérika qewristanliqida uchrashti.
Muxbirimiz weli
2009.06.06

Amérika awazning bayan qilishiche, bügün normandida ötküzülgen xatirilesh pa'aliyitide, sarkozi iran prézidénti exmedi nijatning isra'iliyini dunya xeritisidin öchürüwétimen, dégen sözni aljighanliq, dep eyilidi we barek obamaning, isra'iliyini i'ordaniye deryasining gherb teripide köchmen mehelliri qurushni toxtutushqa chaqirghanliqini qollidi.

Bu jaygha jem bolghan dölet rehberliri ottura sherqte tinchliqni ilgiri sürüsh üchün iqtisadiy hemkarliq qurushqa qoshuldi we pelestinni tinchliq söhbetliride bergen wediside turushqa chaqirdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.