Obamaning salametlik sughurta qanun layihisi awam palatasi teripidin maqullandi

Amérikining salametlik sughurta sistémisida islahat élip bérish amérika prézidénti barak obamaning eng muhim ichki siyaset ish pilanliridin biri bolup, eger mezkur pilan yolgha qoyulsa, bu amérika qanunida nechche on yillardin béri élip bérilghan tunji chong islahat bop qalidiken.

B b s ning xewer qilishiche, bu qarar layihisini awazgha qoyulushi, amérika kéngesh palatasining 100 nechche yildin béri tunji qétim rozhdééstowa bayrimi harpisida yighin échishi bolup hésablinidiken.

Kéngesh palatasi layihini maqullighandin kéyin obama bu heqte toxtilip, kéyinki qedemde pilanni awam palatasida awazgha qoyup, uning baldurraq qanunlishishi üchün tirishidighanliqini bildürgen.

Obamaning islahat pilani ishqa kiriship qalsa, amérikida shu tapta sughurtisiz yashawatqan 31 milyon amérikiliq sughurtigha érishidu. Buningdin bashqa yene, sughurta shirketlirining bahane körsitip késellerni sughurtigha qobul qilishni ret qilishi cheklinidu, yoqsul kishiler dölet yardimi arqiliq sughurtidin behriman bolidu.

Emma jumhuriyetchi ezalar qanun layihisige qarshi bolup, bu layihining rasxotining yuqiri ikenlikini we buning amérika xelqining üstidiki dölet kontrolluqini ashurup, shexsi erkinlikini boghup qoyidighanliqini ilgiri sürmekte.