خەۋەردە ئېيتىلىشىچە، ب د ت نىڭ چوڭ يىغىنى ئېچىلىش ھارپىسىدا (22 - سېنتەبىر كۈنى) ئوباما بىلەن خۇجىنتاۋ نيۇيوركتىكى مېھمانخانىدا كۆرۈشۈپ، ئامېرىكا بىلەن خىتاي ئوتتۇرىسىدا جانلىق ۋە ئۈنۈملۈك مۇناسىۋەت ئورنىتىشقا، ئەركىن سودىنى يولغا قويۇشقا ۋە سەزگۈر مەسىلىلەرنى ھەل قىلىشقا كېلىشكەندە، ئوباما، شىمالى كورىيە بىلەن ئىراننىڭ يادرو قوراللىرىنى تەرەققى قىلدۇرۇش پىلانى ئامېرىكىغا قىلىنغان تەھدىت ئىكەنلىكىنى، بۇ مەسىلىنى خىتاي مەيدانغا چىقىپ ھەل قىلىشى لازىملىقىنى تەكىتلىگەن ئىدى.
سىنگاپوردا چىقىدىغان بىرلەشمە سەھەر گېزىتىنىڭ بايان قىلىشىچە، خۇجىنتاۋ بىلەن ئوباما تۈنۈگۈن كۆرۈشكەندە، تەيۋەن مەسىلىسى ۋە تىبەتكە، شىنجاڭغا چېتىلىدىغان مەسىلىلەر ئۈستىدىمۇ ئوچۇق سۆزلەشكەن. چۈنكى، بۇنىڭدىن بۇرۇن، خىتاي دائىرىلىرى ئامېرىكىدىن، تەيۋەنگە قورال بەرمەسلىكنى، ئۇيغۇرلارنىڭ، تىبەتلەرنىڭ ئامېرىكا تۇپرىقىدا مۇستەقىللىق ھەرىكىتى ئېلىپ بېرىشىغا يول قويماسلىقنى تەلەپ قىلىپ، بۇ بىر مىليارت 300 مىليون خىتاينىڭ ھېسياتىغا بىۋاستە تاقىلىدىغان سەزگۈر مەسىلە، دەپ تەكىتلەپ كېلىۋاتاتقان بولسىمۇ، ئەمما ھازىر دالاي لاما يەنە ئامېرىكىنى زىيارەت قىلىشقا باشلىغان ئىدى.