Пакистан алий сот мәһкимиси дәвагәр өмәр уйғур вәхпи билән җавабкар ички ишлар министирлиқи вәкиллирини сотқа чақиртти

Өмәр уйғур вәхпи тапшурувалған чақириқнамидә баян қилинишичә, мушу айниң 31-күни йәни сәйшәнбә күни, дәвагәр билән билән җавабкар сотта йүз көрүшиду вә тәрәпләр өзлириниң шикайәт вә шикайәткә қарита җаваблирини баян қилишиду.

Өмәр уйғур вәхпи мәсуллири, өзлириниң исимлири ички ишлар министирлиқи тәрипидин чеградин чиқиши чәкләнгәнләр тизимликигә киргүзүлгәнлики үчүн, мәзкур министирлиқ үстидин өткән йилниң оттурилирида пакистан алий сотиға әрз сунған.

Өткән айда министирлиқ сотқа язма җаваб әвәтип, өмәр уйғур вәхпиниң пакистанға қарши һәрикәт елип барғанлиқи вә америкиға қачмақчи болғанлиқини, шуңа уларниң чеградин чиқишиниң чәкләнгәнликини баян қилған. Сәйшәнбә күнидики сотта, тәрәпләрниң баянлири сотчилар тәрипидин йүзтуранә аңлап өтилиду.

Бу сотта ахирқи һөкүмниң чиқидиған‏- чиқмайдиғанлиқи һазирчә мәлум әмәс.