Пакистан ички ишлар министирлиқи уйғур тәшкилатиниң мәсилиси һәққидә иккинчи қетим сотқа чақирилди

Пакистан юқири сот мәһкимиси, пакистанда паалийәт елип бериватқан өмәр уйғур вәхпиниң әрзигә асасән, бүгүн йәни 16-апрел күни пакистан ички ишлар министирлиқини иккинчи қетим сотқа чақирди.
Мухбиримиз шөһрәт һошур
2012.04.16

Министирлиқ бүгүнки сот мәйданиғиму хадим әвәтмигәнлики үчүн сот йәнә кечиктүрүлди. Пакистан ички ишлар министирлиқи өмәр уйғур вәхпиниң бир қисим әзалирини қара тизимликкә киргүзүп, уларниң чеградин чиқишини чәклигән. Буниңға қарита мәзкур тәшкилат наразилиқ билдүрүп пакистан сотиға әрз сунған.

Биринчи қетимлиқ сот бу йил 2-айниң 12-күни өткүзүлгән, сотта җавабкар тәрәп һазир болмиғачқа, сот бүгүнгә кечиктүрүлгән. Өмәр уйғур вәхпиниң билдүрүшичә, келәр қетимлиқ йәни үчинчи қетимлиқ сот 5-айниң 26-күни ечилмақчи.

Әмма, ички ишлар министирлиқи йәнә сотқа кәлмисә, қандақ қарар берилидиғанлиқи мәлум әмәс. Өмәр уйғур вәхпи сот нәтиҗисиниң қандақ болушидин қәтийнәзәр давасини давамлаштуридиғанлиқини вә бу җәрянни уйғур мәсилисини пакистан хәлқигә тонуштуруш үчүн бир пурсәт дәп қарайдиғанлиқини илгири сүрмәктә.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.