Muhebbetning on sherti ayallar küni munasiwiti bilen kanadadiki york uniwérsitétida qoyulidu

York uniwérsitétining charshenbe küni chiqarghan élanidin melum bolushiche, xelq'ara ayallar küni munasiwiti bilen élip bérilidighan xatirilesh pa'aliyitini york uniwérsitéti we xelq'ara kechürüm teshkilati birlikte uyushturghan bolup, pa'aliyette dunyadiki ayallarning mesililiri, insan tijariti mesilisi we kishilik hoquq mesililirige a'it mezmunlar sunulidiken.

Pa'aliyet jeryanida “Muhebbetning on sherti” namliq filimmu qoyulidighan bolup, filim heqqide bérilgen tonushturushta “Muhebbetning on sherti, öz wetinini sherqiy türkistan dep ataydighan Uyghur xelqining hoquqi üchün küresh qiliwatqan bir ayal tonushturulghan bir filim. Rabiye qadir xanim 6 yilini xitay türmiliride ötküzgen. U nobél tinchliq mukapatigha namzat körsitilgen” dep yézilghan.

Igilinishiche, kanadadiki york uniwérsitéti her yili 8-martta ayallar küni munasiwiti bilen ayallar hoquqi, ular yoluquwatqan mesililer we shundaqla uni hel qilishning yollirini téma qilghan halda pa'aliyet ötküzüp kelgen bolup, rabiye qadir xanimning filimi 8-mart küni chüshtin kéyin sa'et 5:30 da uniwérsitét pa'aliyet merkizide qoyulidiken.