Чиқтим йезисидики кан вәқәсидә үч адәм өлди
Бу кан вәқәсидә йәнә 8 киши еғир яриланған болуп дохтурханида даваланмақта икән.
Вәқә йүз бәргән кан пичан наһийә базиридин 40 километир нерида болуп, мәзкур көмүр канда 2003 - йили 12 - айда гүмүрүлүш вәқәси йүз берип 6 адәмниң өлүши, бир адәмниң еғир ярилинишидәк еғир паҗиә келип чиққан иди.
Шу қетимлиқ кан вәқәси кан башқурғучи һәм көмүр қезишқа мәсул хадимларниң, мәнпәәт қазинишнила ойлап ишчиларниң һаяти бихәтәрлики билән кари болмиғанлиқтәк, мәсулийәтсизлики сәвәбидин келип чиққан болуп, турпан вилайити һәм пичан наһийисидики мунасивәтлик кадирларму җазаға учриған вә мәзкур кан даириләр тәрипидин хәтәрлик канлар қатарида тақиветилгән болсиму, кейин хитайдин кәлгән мәбләғ салғучилар тәрипидин қайта ечилишқа башлиған икән.
Хитай даирилири бу қетимқи чиқтим йезисидики кан партлаш вәқәсидә өлгүчиләрниң салаһийити һәққидә һечқандақ мәлумат бәрмиди.
- Әлфидар илтәбир америка уйғур бирләшмисиниң йеңи нөвәтлик рәисликигә сайланди
- Ғулҗада түрмидин чиққан яқуп һәсән һарпа күни, оғли билал яқуп һейт күни түгәп кәткән
- Шаңхәй кочилиридики сәргәрдан уйғур йигити вә хитай завутлириға йөткәлгән уйғурлар
- “қәшқәр конашәһәр һөҗҗити” уйғурларға қаритилған тутқунниң көлимини йәнә бир қетим ашкарилиди
- Б д т әмәлдариниң хитайниң уйғурлар һәққидики сахта тәшвиқатлириға маслишип, хитайдин 200 миң доллар пул алғанлиқи ашкариланди
