خىتاي بېيجىڭ شەھىرىدە پىچاق سېتىشنى ۋاقىتلىق چەكلىگەن

خىتاي دائىرىلىرى بېيجىڭ شەھىرىدە پىچاق سېتىشنى ۋاقىتلىق چەكلىگەن. بۇ، خىتاي دۆلەت بايرىمىنىڭ ئالدىدا كۈچەيتىلگەن بىخەتەرلىك تەدبىرلىرىنىڭ ئەڭ يېڭىسى بولۇپ، بۇ خىل چەكلەش بەلگىلىمىسى بېيجىڭدا ئۆتكەن پەيشەنبە ۋە شەنبە كۈنلىرى يۈز بەرگەن پىچاق تىقىش دېلوسىدىن كېيىن يۈرگۈزۈلۈشكە باشلىغان.
ﻣﯘﺧﺒﯩﺮﯨﻤﯩﺰ ﺟﯜﻣﻪ
2009.09.21

پىچاق سېتىشنى ۋاقىتلىق چەكلەش بەلگىلىمىسى، بېيجىڭدا سودا قىلىدىغان ۋولمارت ۋە كېررىفور قاتارلىق چەتئەل شىركەتلىرىگىمۇ ئوخشاش يۈرگۈزۈلگەن.

يەرلىك سودا ساراي خادىملىرىنىڭ بىلدۈرۈشىچە، بۇ نۆۋەت بېيجىڭدا ھەتتا كۆكتات ئاقلايدىغان پىچاقلارنى سېتىشمۇ چەكلەنگەن.

مەلۇم بولۇشىچە، خىتاي دائىرىلىرى يەنە 1 - ئۆكتەبىر كۈنى بېيجىڭدا يولۇچىلار ئايروپىلانلىرىنى ئۈچ سائەت ئەتراپىدا توختىتىدىكەن. بېيجىڭدا دائىرىلىرى بۇ نۆۋەتلىك خىتاي دۆلەت بايرىمىنىڭ بىخەتەرلىك تەدبىرلىرىنى يىللاردىكىگە قارىغاندا زور دەرىجىدە كۈچەيتكەن ئىدى.

بېيجىڭ ساقچى ۋە قوراللىق ساقچى قىسىملىرى بىر نەچچە ھەپتە ئىلگىرىلا بېيجىڭ كوچىلىرىدا تەكشۈرۈش پونكىتلىرىنى قۇرغان ۋە بېيجىڭغا كىرىپ - چىقىدىغان ئاپتوموبىللارنى تەكشۈرۈشكە باشلىغان ئىدى.

بېيجىڭدا دائىرىلىرى يەنە، بۇ نۆۋەتلىك خىتاي دۆلەت بايرىمىغا "شەرقىي تۈركىستانچىلار" دىن تەھدىت كېلىدىغانلىقىنىمۇ ئىلگىرى سۈرگەن ئىدى.

ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
قىسقا خەۋەرلەر
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.