Хитай бейҗиң шәһиридә пичақ сетишни вақитлиқ чәклигән

Хитай даирилири бейҗиң шәһиридә пичақ сетишни вақитлиқ чәклигән. Бу, хитай дөләт байриминиң алдида күчәйтилгән бихәтәрлик тәдбирлириниң әң йеңиси болуп, бу хил чәкләш бәлгилимиси бейҗиңда өткән пәйшәнбә вә шәнбә күнлири йүз бәргән пичақ тиқиш делосидин кейин йүргүзүлүшкә башлиған.
Мухбиримиз җүмә
2009.09.21

Пичақ сетишни вақитлиқ чәкләш бәлгилимиси, бейҗиңда сода қилидиған волмарт вә керрифор қатарлиқ чәтәл ширкәтлиригиму охшаш йүргүзүлгән.

Йәрлик сода сарай хадимлириниң билдүрүшичә, бу нөвәт бейҗиңда һәтта көктат ақлайдиған пичақларни сетишму чәкләнгән.

Мәлум болушичә, хитай даирилири йәнә 1 - өктәбир күни бейҗиңда йолучилар айропиланлирини үч саәт әтрапида тохтитидикән. Бейҗиңда даирилири бу нөвәтлик хитай дөләт байриминиң бихәтәрлик тәдбирлирини йиллардикигә қариғанда зор дәриҗидә күчәйткән иди.

Бейҗиң сақчи вә қораллиқ сақчи қисимлири бир нәччә һәптә илгирила бейҗиң кочилирида тәкшүрүш понкитлирини қурған вә бейҗиңға кирип - чиқидиған аптомобилларни тәкшүрүшкә башлиған иди.

Бейҗиңда даирилири йәнә, бу нөвәтлик хитай дөләт байримиға "шәрқий түркистанчилар" дин тәһдит келидиғанлиқиниму илгири сүргән иди.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.