قازاقىستان ئايروپىلان ۋەقەسىدە ئۆلگەنلەرگە ماتەم تۇتماقتا

25 - دېكابىر كۈنى قازااقىستاندا بىر ھەربىي ئايروپىلان چۈشۈپ كېتىپ، ئايروپىلاندىكى 7 خىزمەتچى ۋە 20 ئوفېتسىر ھەممىسى قازا قىلغان ئىدى. قازاقىستان چېگرا قوغداش ئىدارىسدىكى يۇقىرى دەرىجىلىك ئەمەلدارلىرىنىڭ ئۆلۈمىگە سەۋەب بولغان بۇ ۋەقە قازاقىستان خەلقىنى قاتتىق قايغۇغا چۆمدۈردى. پرېزىدېنت نۇرسۇلتان نازاربايېف بۈگۈن رەسمىي بايانات ئېلان قىلىپ، 27 - دېكابىر كۈنىنى دۆلەت بوىىچە ماتەم كۈنى دەپ ئېلان قىلدى.
مۇخبىرىمىز ئىرادە
2012.12.27


بۇ ھەربىي ترانسپورت ئايروپىلانى قازاقىستان دۆلەت بىخەتەرلىكى كومىتېتى چېگرا قوغداش ئىدارىسىگە تەۋە بولۇپ، شۇ كۈنى ئايروپىلان پايتەخىت ئاستانىدىن جەنۇبتىكى شەھەر چىمكەنتكە 20 كىلومېتىر قالغان ئارىلىقتا چۈشۈپ كەتكەن. قازا قىلغانلار ھەممىسى چېگرا مۇداپىئە ساھەسدىكى ئەمەلدارلار بولۇش بىلەن بىرگە يەنە، ئۇنىڭدا قازاقىستان چېگرا مۇداپىئە ئىدارىسى مۇئاۋىن باشلىقى پولكوۋنىڭ تۇرغانبېك ستامبېكوۋ ۋە ئۇنىڭ رەپىقىسىنىڭ بارلىقى خەۋەر قىلىنماقتا.

بۇ يىل 6 - ئايدا قازاقىستاننىڭ خىتاي بىلەن چېگرىلىنىدىغان ئارقانكەرگەن تاغلىق چېگرا رايونىدا 14 چېگرا ئەسكىرىنىڭ كۆيدۈرۈۋېتىلگەن جەسىتى تېپىلغان ئىدى. ب ب س نىڭ خەۋەر قىلىشىچە، تۇرغانبېك ستامبېكوۋ شۇ قېتىملىق ۋەقەدىن كېيىن مەزكۇر ۋەزىپىگە تەيىنلەنگەن ئىكەن.

ھازىر قازاقىستان دائىرىلىرى ۋەقە ھەققىدە مەخسۇس تەكشۈرۈش گۇرۇپپىسى تەشكىللەپ، ئايروپىلاننىڭ چۈشۈپ كېتىش سەۋەبىنى تېپىشقا تىرىشماقتا.

ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
قىسقا خەۋەرلەر
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.