Қәшқәргә мәбләғ селишқа қизиққан хитай содигәрлириниң көпийиши дуня уйғур қурултийиниң диққитини тартти

Тәңритағ ториниң 23-январ хәвиридә билдүрүшичә, қәшқәр вилайити бултур, содигәр вә мәбләғ җәлп қилиш җәһәттә етибар бериш сиясәтлирини кәң көләмдә йолға қойғанлиқи үчүн, бултур 11-айниң ахириғичә, йеңидин җәлп қилинған мәбләғ, 125 түргә; буларниң имзаланған келишим соммиси 38 милярд йүәнгә йетип, алдинқи йилдикидин 54.3% Ашқан.
Мухбиримиз шөһрәт һошур
2012.01.23

Хәвәрдә билдүрүшичә, қәшқәр вилайәтлик хитай һөкүмити шәрқтики кәсипләрни ғәрбкә йөткәш нами астида, шәрқтики 4 өлкә, шәһәрниң сода -санаәтчилиригә алаһидә етибар бериш сиясәтлири билән қучақ ачқан. Нәтиҗидә, шаңхәй йешиң гуруһи, җйҗяң җили сода ширкити, җуңго електр гуруһи қатарлиқ чоң сода гуруһлири қәшқәргә маканлашқан.

Хитай содигәрлириниң қәшқәр шәһиригә бу дәриҗидә зор қизиқиш билән көз тикиши дуня уйғур қурултийиниң диққитини тартти. Қурултай баянатчиси дилшат ришит бүгүн бу һәқтә радиомизда пикир баян қилип, миллий зиддийәтләр күнсери өткүрлишиватқан, муқимлиқ тәдбирлири һеч карға кәлмәйватқан бир районға, бу дәриҗидә зор қизиқиш вә узун мәзгиллик мәбләғ селишниң сода-санаәтчиләр үчүн ақиланә бир иш әмәсликини әскәртти.

Дилшат ришит хитай сода санаәтчиләрни районға мәбләғ селишни пиланлаватқанда ялғуз һөкүмәтниң тәшвиқатинила әмәс, земин игилири болған йәрлик хәлқниң арзу-арманлири вә уларниң ирадисиниму нәзәрдин сақит қилмаслиққа чақирди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.