Қәшқәрдә икки бимар хитайниң сахта дорисини йәп өлгән

Хитай сәһийә министирлики бүгүн пүтүн мәмликәттики дохтурларға, гуаңши пиңнән дора завути диабет кесәлликини давалаш үчүн ишлигән дорини қоллунишни тохтутуш тоғрисида буйруқ чиқарди.
Мухбиримиз вәли
2009.01.31
Share on WhatsApp
Share on WhatsApp

'Ройтрс агентлиқи'ниң шаңхәйдин баян қилишичә, хитайниң шинҗаң районидики диабет бимарлири гуаңши пиңнән дора завутида мәхсус диабет кесәлликини давалаш үчүн ишләнгән 'таңҗижниң' маркилиқ дорини йәп өлгәндин кейин, хитай һөкүмити бу буйруқни чиқарған.

Хитайниң 'шинҗаң гезити' дә бүгүн баян қилинишичә, қәшқәрдә гуаңши пиңнән дора завути мәхсус диабет кесәлликини давалаш үчүн ишлигән 'таңҗижниң' маркилиқ дорини йегән икки бимар 1‏ - айниң 17‏ - вә 19 ‏ - күнлири өлгән. Аптоном районлуқ дора тәкшүрүш орниниң ениқлишичә, гуаңшида диабет кесәлликини давалаш үчүн ишләнгән бу дориға зәһәрлик химийиви бирикмә қетилған.

Хитайдики сәһийә тармақлириниң йәнә бир тор бетидә ейтилишичә, қәшқәр райониниң йәкән наһийисидә икки бимар гуаңшида мәхсус диабет кесәлликини давалаш үчүн ишләнгән бу хил дорини йәп өлгән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт