Хитай өлкилиригә йөткәлгән әмгәкчиләр сани 240 миңға йәткән

Хитай даирилириниң дүшәнбә күни елан қилған ақ ташлиқ китабида оттуриға қоюлушичә, 2008 - йили уйғур елидин хитай өлкилиригә йөткәлгән әмгәкчиләр сани 240 миңға йәткүзүлгән.
Мухбиримиз җүмә
2009-09-21
Share

Шинхуа агентлиқиниң хәвәр қилишичә, бу һәқтики мәлуматлар мәзкур китабниң "шинҗаңдики тәрәққият вә йүксилиш" намлиқ қисмида оттуриға қоюлған. Китабта булар хитайдики пуқраларниң шәһәр атлап олтурақлишиш вә хизмәт қилиши әркинлики сүпитидә көрситилгән болсиму, әмма уйғур деһқан әмгәкчилириниң хитай өлкилиригә пиланлиқ йөткәлгәнлики һәққидә тохтилинмиған.

2004 - Йилидин буян хитай йәрлик һөкүмити уйғур елидә " әмәк күчлирини сиртларға йөткәш сиясити"ни күчәйтип елип барған вә асаслиқи уйғур қизлиридин тәшкиллигән ишләмчиләр қошунини хитайниң деңиз бойи районлиридики завутларға йөткигән иди.

Биз игилигән хәвәрләр вә радиомизға кәлгән мәлуматларға қариғанда, уйғур елидин хитай өлкилиригә йөткәлгән әмгәкчиләр хитай завутлирида һәр хил дәпсәндичиликлиригә дуч кәлгән. Нәтиҗидә мәзкур сиясәт уйғурлар арисида наразилиқ қозғиған. Уйғур сиясий паалийәтчиләр " 5 - июл үрүмчи намайиши"ниң сәвәблириниң бириниң хитайниң уйғур елидә йүргүзгән "әмәк күчлирини сиртларға йөткәш сиясити" икәнликини оттуриға қоюшмақта.

26 - Июл шавгуән шәһиридики бир оюнчуқ завутидики тоқунушта хитайлар икки уйғурни өлтүргән болуп, нәтиҗидә бу 5 - июл үрүмчи намайишиға сәвәб болған амилларниң биригә айланған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт