Бу йил уйғур елидә йөткәп ишқа орунлаштуруш сиясити ашуруп әмәлийләштүрүлмәктә

Уйғур елидики хәвәр мәнбәлиридин ашкарилинишичә, хитай һөкүмитиниң уйғур елидә йолға қоюп келиватқан йеза әмгәк күчлирини йөткәп ишқа орунлаштуруш сияситиниң әмәлийлишишидә ешиш көрүлгән болуп, алдинқи йерим йилдила уйғур ели бойичә йөткәп ишқа орунлаштурулған йеза ешинча әмгәк күчлири 949 миң 900 адәм қетимға йетип бултурқи охшаш мәзгилдикидин 443 миң 900 адәм қетим көпәйгән икән.
Мухбиримиз гүлчеһрә
2008.09.30
Share on WhatsApp
Share on WhatsApp

Бу йәнә хитай һөкүмитиниң йиллиқ уйғур йеза ешинча әмгәк күчлирини йөткәп ишқа орунлаштуруш пиланиниң %79.16  Тиниң орунлинип болғанлиқини көрситидикән.

Хитай даирилири 2006 - йилидин башлап уйғур елидин һәр йили сиртларға йөткәп ишқа орунлаштуридиған йеза ешинча әмгәк күчлирини бир милйон икки йүз миң адәм қетимға йәткүзүп кәлмәктә. Бу санниң асаслиқ қисмини уйғур елиниң җәнубидики наһийә йезилардин хитай өлкилиригә йөткәп ишқа орунлаштуруливатқан уйғур қизлири игиләйду.

Хотән һәмдә ақсуниң йәрлик һөкүмәт тор бәтлиридин ашкарилинишичә хитай даирилири, уйғур елидин хитай өлкилиригә йөткәп ишқа орунлаштуруш санини йилдин йилға ашуруп келиватқан болуп, мәзкур пиланни " һәр аилидин бирни" йөткәш сиясити бойичә мәҗбури характерида ишқа ашурмақта.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.