Сақчилар һазир қәшқәрдә қачақ җинайәтчини қоғлап тутуш дегән һәрикәтни башлиған

Б б с ниң баян қилишичә, қәшқәрдә бүгүн кәч саәт 3 тин 40 минут өткәндә,йемәк базирида партлаш характерлик һуҗум вәқәси йүз бәргәндин кейин, шинхуа агентлиқиниң хәвиригә асасланғанда, хитай сақчилири һазир қәшқәрдә қатнашни чәкләп, қачақтики җинайәтчини қоғлап тутуш дегән бир һәрикәтни башлиған.
Мухбиримиз вәли
2011-07-31
Share

Қәшқәрдә хитайлар зич олтурақлашқан райондики йемәк базиридин, қәшқәргә кәлгили 7 йил болған , һазир мушу йеңи базарда дукан ечиватқан фән фамилилик бир кишиниң телефон арқилиқ ейтип миңбав гезитигә баян қилишичә, бүгүн йемәк базирида вәқә йүз бәргәндин кейинла қатнаш чәкләнгән.

Униң ейтишичә, бу базардики дуканлар, яймилар тақилип кәткән. У киши, вәқә чиқти, лүкчәкләрдә қорал бар икән, дегән вақирашларни аңлап, қолиға калтәк елип әтрапқа қариғанда, бир қолида еқиватқан қанни сүртүп, йәнә бир қолида телефон қиливатқан адәмләрни көргән, дукан, яймилирини тақиғач, әмди юртумға қайтимән, дәватқан авазларни аңлиған. Һазир ичкиридин қәшқәргә кәлгән туғқанлиридин әнсирәп телефон қиливатқан адәм наһайити көп.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт