Rabiye qadir xanim weten ichi - sirtidiki Uyghurlarning yéngi yilini tebriklidi

Tebriknamisning béshida, yéngi yilni tebriklewatqanda, türmidiki mehbuslarni untup qalmasliqni, mehbus we shéhidlarning a'ile - tawabi'atlirini estin chiqarmasliqni tewsiye qilghan rabiye qadir xanim, 2008 ‏ - yil heqqide mundaq deydu:

" 2008 ‏ - Yili dunya weziyitide zor özgirishler boldi, wetinimiz sherqi türkistanda bolsa, xitayning üzlüksiz tutqun qilish, öch élish, ölüm jazasi bérish qatarliq wehshilikliri téximu ewj aldi. Shundaq turuqluq, bash egmes erkinlik jengchilirimiz, millitimizning erkinlik iradisini dunyagha eng janliq rewishte jakarlidi."

2008 ‏ - Yil ichide Uyghur mesilisining dunya jama'et pikri we siyasiy sehniside ötken yillardikige nisbeten nechche hesse artuq orun tutqanliqini bildürgen rabiye qadir xanim, tebriknamiside yene mundaq deydu: "qazan'ghan netijilirimiz közligen netijilirimizdin uzaqta, xelqimizning kütken ümididin téximu uzaqta. Emma 2008 ‏ - yili bizning dostlirimiz köpeygen, düshminimizning térrorchi eyiblimiliri aqmighan bir yil boldi."

Rabiye xanim tebriknamiside, Uyghurlarning siyasiy teqdiri özgermey turup, iqtisadiy we ijtima'iy sahelerde ghelibe qilishining mumkinsizlikini tekitligendin kéyin, 2009 ‏ - yilining Uyghurlar üchün erkinlik we insan heqliri yili, dunya üchün bolsa tinchliq yili bolushni ümid qilidighanliqini bildürdi.