Рабийә қадир ханим хитайниң қәшқәрдә ' 7 террорчи гуруһ ' ни паш қилғанлиқиға даир баянатини 'тутруқсиз' дәп әйиблиди

Уйғур һәрикитиниң рәһбири, дуня уйғур қурултийи рәиси рабийә қадир ханим хитай даирилириниң йеқинда елан қилған қәшқәрдә 7" террорчи гуруһ"ни паш қилғанлиқиға даир баянатиға инкас қайтуруп, буниңға чоңқур гуман билән қарайдиғанлиқини билдүрди.
Мухбиримиз әркин
2009.06.05
Share on WhatsApp
Share on WhatsApp

Хитай мәтбуатлириниң йеқинда тарқатқан бу һәқтики хәвәрлиридә қәшқәр вилайәтлик партком секритари җаң җйәнниң бу йил киргәндин бери қәшқәрдә 7" террорчи гуруһ "ни паш қилғанлиқини елан қилғанлиқини билдүргән иди.

Рабийә қадир ханим бу һәқтики баянатида, тутқунға учриғанларни "террорчи гуруһлар" дегән хитай даирилириниң бу қаришини испатлайдиған"қилчилик пакит оттуриға қоймиғанлиқи" ни билдүргән. У мундақ дәйду: "мән хәлқара җәмийәтни бу әйибләшкә пүтүнләй гуман билән қарашқа чақиримән." " Бу қарилашларни бу түрлик усулда оттруриға қоюштики сәвәби уйғурларниң тинч паалийитини террорлуқ билән бағлаш үчүндур."

Җаң җйән "террорчилар" ни паш қилғанлиқини елан қилған вақит қәшқәрдә қәдимий шәһәр рәстилирини чеқип, йәрлик уйғурларни тарқақлаштуруш пилани мәмликәт ичи вә сиртида җидди ғулғула қозғаватқан бир мәзгилгә тоғра кәлгән иди.

Буниң алдида шинхуа агентлиқи хитай даирилириниң уйғур илидә йеқинқи 13 йилда 591 сияси тәшкилатни паш қилғанлиқини елан қилған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.