Рабийә қадир ханим 2011-йиллиқ рафто мукапати мурасимиға қатнишиш үчүн норвегийигә йетип барди

Уйғур миллий һәрикитиниң йол башчиси рабийә қадир ханим, 2011-йиллиқ рафто мукапат мурасимиға қатнишиш үчүн, түнүгүн вашингтондин йолға чиқип, бүгүн йәни дүшәнбә күни норвегийигә йетип барди.
Мухбиримиз шөһрәт һошур
2011-10-31
Share

Рафтониң мукапат мурасими 11-айниң 6-күни өткүзүлиду. Мурасимниң алдида йәни 3 ‏-ноябирдин 5-ноябирғичә, рафто мукапат комитетиниң уюштурушида муһакимә йиғинлири ечилип, дуняниң нөвәттики инсан һәқлири мәсилилири музакирә қилиниду.

Бу йиллиқ рафто мукапати угандалиқ инсан һәқлири паалийәтчиси, җинсий аз санлиқлар тәшкилатиниң рәһбири франк мугишаға берилгән.

Америка уйғур бирләшмисиниң билдүрүшичә, рабийә ханим бу қетимқи йиғин җәрянида уйғурлар нөвәттә дуч келиватқан сиясий, иҗтимаий мәсилиләрни оттуриға қойиду; хитайниң уйғурлар үстидин йүргүзүватқан бастуруш сиясәтлирини паш қилиду.

Рабийә ханим хитай түрмисидә җаза муддитини өтәватқан мәзгилдә йәни 2004-йили рафто мукапатиға еришкән. У шуниңдин бери рафто мукапатиниң һәр йиллиқ мукапат мурасимиға тәклип билән қатнашмақта. Мәлум болушичә, рабийә ханим норвегийидики йиғиндин кейин, йәнә кишилик һоқуқ паалийәтлири үчүн италийигә қарап йолға чиқиду.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт