Русийә һиндистан үчүн өзгәртип ясап бәргән авиаматка синақ қилинмақта
Русийә һиндистан үчүн өзгәртип ясап бәргән һиндистанниң авиаматкиси “викрамадитсия” 8 - июндин етибарән окянға кирип, синақ қилинмақта. Русийиниң итартас агентлиқиниң хәвәр қилишичә, мәзкур авиаматкиниң әсли нами “адмирал горшков” болуп, бу әсли совет иттипақиниң шималий деңиз қисимлириниң авиаматкиси иди. Һиндистан билән русийә арисидики келишим бойичә русийә мәзкур авиаматкини өзгәртип, техиму заманиви һаләткә кәлтүргән. Буниң нәтиҗисидә һиндистан һазир һинди окян районидики авиаматкиға игә қудрәтлик һәрбий күчкә игә мәмликәткә айлинип, униң хитайға тақабил туруш иқтидари техиму ашқан.
Мухбиримиз үмидвар
2012.06.24
30 Нәччә һәр хил типтики айропиланларни елип йүрәләйдиған мәзкур авиаматкиниң синиқи 124 күн давамлишидикән, әгәр синақ ғәлибилик болса, русийә уни рәсмий түрдә 12 - айда һиндистанға тапшуруп бериду.
Һиндистан 2017 - йилиғичә болған арилиқта үч данә авиаматкиға игә болушни пилан қилип, җиддий һәрикәт қилмақта.