Sabiq polsha prézidénti léch walisa nobél mu'apakati murasimida lyu shawbogha wekil bolushni xalaydighanliqini bildürdi

U yene bu arqiliq, nobél mukapatidek muhim bir mukapatqa érishküchining insaniy heqqining depsende bolush we mukapatni tapshuruwélish erkinlikining cheklinish ehwaligha xelq'ara jama'etning diqqitini köplep tartish meqsitini ipadiligen.

 Lyu shawbo layihiligen we imza toplashqa yétekchilik qilghan 2008 ‏-nizamnamisi, eyni yillarda polsha démokratliri teripidin layihilen'gen kommunizmgha qarshi nizamnamini ölge alghan. Shunga közetküchiler, walisaning xitay démokratchilirining, jümlidin lyu shawboning pikir we héssiyatlirini toluq chüshinidighanliqini we lyu shawboning teqdirige yéqindin köngül bölidighanliqini bildürmekte. Xitay bu yilliq nobél mukapati murasimigha bar küch bilen tosqunluq qiliwatqan bu künlerde, sabiq polsha prézidéntining bu teklipi lyushawbo we uning sepdashliri üchün bir ilhamlandurush dep qaralmaqta.

 Nobél komitétining ötken hepte élan qilishiche, hazirgha qeder 36 döletning elchixanisi nobél mukapatini tapshuruwélish murasimigha qétilidighanliqini bildürgen؛ 16 dölet téxi ipade bildürmigen؛ 6 dölet bolsa qatnishishni ret qilghan. Xitayning telimati boyiche, qatnishishni ret qilghan döletlerdin biri qazaqistandur.