Шималий корийә америкини тәһдит қилди

Шималий корийиниң рәсмий хәвәр агентлиқи бүгүн шималий корийә мудапиә даирилириниң ядро вә башқурулидиған бомба синақ қилидиғанлиқини хәвәр қилған.
Мухбиримиз ирадә
2013.01.24
Share on WhatsApp
Share on WhatsApp

Хәвәрдә бу синақниң баш дүшмән америкиға қарши елип берилидиғанлиқи тилға елинған вә “америкиға қарши күрәшни ағзимиз билән әмәс, бәлки қорал арқилиқ қилишимиз шәрт” дейилгән.

Бүгүн, ақсарай баянат берип, шималий корийиниң бу тәһдитигә “орунсиз иғвагәрчилик” дәп наразилиқ билдүрди. Шималий корийини, бундақ бир синақни әмәлийләштүргән тәқдирдә, буниң б д т ниң алақидар қанун-маддилирини аяқ асти қилғанлиқ дәп қарилидиғанлиқи, җаза тәдбирлириниң техиму чиңитилидиғанлиқи һәққидә агаһландурди.

Шималий корийә мудапиә даирилири бу синақниң ениқ вақтини ашкарилимиған. Шималий корийә дәсләпки икки нөвәтлик ядро синиқини 2006-вә 2009-йиллири елип барған иди. Көзәткүчиләрниң мутләқ көп қисми шималий корийиниң башқурулидиған бомбилири америкини тәһдит қилғудәк учуш мусаписигә игә әмәсликини илгири сүриду. Әмма өткән 12-айда қилған синақта шималий корийиниң башқурулидиған бомбилириниң мусаписини көрүнәрлик дәриҗидә ашурғанлиқи мәлум болған иди. Шималий корийә болса узун мусапилик башқурулидиған бомба синақ қилғанлиқини рәт қилип кәлмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.