Гүлмирә имин вә мәмәтҗан абдулла хәлқара сөз әркинлики мукапатиға еришти

5-Июл үрүмчи вәқәсидин кейин қолға елинип, муддәтсиз қамақ җазасиға һөкүм қилинған гүлмирә имин вә мәмәтҗан абдулла 2012-йиллиқ хәлқара сөз әркинлики мукапатиға еришти.
Мухбиримиз ирадә
2012-12-20
Share

Мәзкур мукапат хәлқара кишилик һоқуқни көзитиш тәшкилати тәрипидин тәсис қилинған болуп, диктатор һөкүмәтләрниң бесимиға қаримай, пикир әркинликини алға сүрүш үчүн төһпә қошқан шәхсләрниң хатирисигә һәр йили бир қетим тарқитилип кәлмәктә.

Бу йиллиқ пикир әркинлики мукапатиға хитай дөләт тәвәсидики уйғур, тибәт, моңғул вә хитай кишилик һоқуқ актиплиридин тәркиб тапқан җәмий 12 киши лайиқ көрүлгән болуп, буларниң арисида гүлмирә имин вә мәмәтҗан абдулларниму өз ичигә алған 7 си һелиһәм түрмиләрдә.

Кишилик һоқуқни көзитиш тәшкилати бүгүн бу һәқтә елан қилған баянатида, хитайда һәқ гәп қилған кишиләрниң еғир қамақ җазалири билән җазалиниши хитайдики бесимниң қанчилик еғирлиқини йорутуп беридиғанлиқини әскәртип "бу қәһриман язғучилар, мухбирлар вә паалийәтчиләр һөкүмәт сизип бәргән қизил сизиқларға җәң елан қилиш арқилиқ, башқиларға әркин сөз қилиш пурсити яритип беришкә тиришти. Әмма улар буниң бәдилини толиму еғир төлиди" деди.

Гүлмирә имин вә мәмәтҗан абдулла һәр иккилиси 5-июл вәқәсидин кейин хитай даирилири тәрипидин қолға елинип, айрим-айрим һалда қанунсиз намайиш уюштуруш вә дөләт бихәтәрликигә зиянлиқ учур тарқитиш җинайити билән әйиблинип муддәтсиз қамақ җазасиға һөкүм қилинған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт