خىتاي دائىرىلىرى تىز پويىز ۋەقەسىگە ئالاقىدار دەلىل-ئىسپاتلارنى يوشۇرغانلىقىنى رەت قىلدى

خىتاي دائىرىلىرى ئۆتكەن ھەپتە يۈز بېرىپ، 40 ئادەمنىڭ ئۆلگەنلىكى ئىلگىرى سۈرۈلگەن تىز پويىز ۋەقەسىگە ئالاقىدار دەلىل-ئىسپاتلارنى يوشۇرغانلىقىنى رەت قىلدى.
مۇخبىرىمىز جۈمە
2011.07.30

ۋەقە 23-ئىيۇل يۈز بەرگەن بولۇپ، ۋەقەدىن كېيىن دائىرىلىرى ۋەقەدە ئاران 18 ئادەمنىڭ ئۆلگەنلىكى، بىر نەچچە پويىز ۋاگوننىڭ كۆۋرۈكتىن چۈشۈپ كەتكەنلىكىنى، يارىلانغان ئادەم سانىنىڭ ئىنتايىن ئاز ئىكەنلىكىنى خەۋەر قىلغان.

ھالبۇكى ئۆتكەن ھەپتىدىن خىتاي ئىنتېرنېت ساھەسىدە بۇ ھەقتە مۇنازىرىلەر كۈچەيگەن ۋە ھەتتا بېزىلەر خىتاي دائىرىلىرىنىڭ چۈشۈپ كەتكەن پويىز ۋاگونىنى كۆمۈۋەتكەنلىكىنى خەۋەر قىلىشقان ئىدى.

شىنخۇا ئاگېنتلىقى بۈگۈن ئېلان قىلغان بۇ ھەقتىكى خەۋىرىدە ھادىسىدە بۇزۇلغان پويىز ۋاگونلىرىنىڭ كۆمۈۋېتىلگەنلىكىگە ئائىت خەۋەرنى رەت قىلدى.

خەۋەردە نەقىل قىلىشىچە، تۆمۈريول مىنىستىرلىقىدىكى بىر نامەلۇم خادىم«ۋەقەنى بىر تەرەپ قىلىش جەريانىدا ۋاگون كۆمۈش ۋە دەلىل-ئىسپاتلارنى بۇزۇۋېتىشكە ئوخشاش ئىشلارنىڭ سادىر بولمىغانلىقى» نى بىلدۈرگەن.

مەزكۇر تىز سۈرەتلىك پويىز ۋەقەسى خىتاي تىز سۈرەتلىك پويىز تېخنىكىسىدا «ئالدىنقى قاتارغا ئۆتكەن» لىكىنى كۆز-كۆز قىلىۋاتقان مەزگىلدە يۈز بەرگەن ئىدى.

نۆۋەتتە دائىرىلەرنىڭ ۋەقەدە قازاغا ئۇچۇرغۇچىلارغا تۆلەم پۇلىنى بىر ھەسسە ئاشۇرۇپ بېرىشنى قارار قىلغانلىقى ئىلگىرى سۈرۈلمەكتە.

ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
قىسقا خەۋەرلەر
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.