5 ‏- Nöwetlik dunya parlamént ezalirining tibet yighini yépildi

Yighinda "rim xitapnamisi" we "heriket pilani" maqullinip, xelq'ara jem'iyetning tibet mesilisidiki qollishini qolgha keltürüsh üchün üzlüksiz tirishidighanliqini bildürgen shundaqla xitay hökümitini tibet rohani dahisi dalay lamaning sürgündiki tibet hökümiti bilen emeliy mesililerde söhbet ötküzüshke chaqirghan.

Xelq'ara metbu'atlarning xewer qilishiche, rimda chaqirilghan bu qétimqi yighinni sürgündiki tibet parlaménti, italiye parlaméntining tibet guruppisi we amérikidiki tibetni hamiye qilish xelq'ara herikiti qatarliq orunlar birge uyushturghan. Uyghur rehbiri rabiye qadir xanimning yighin jeryanida dalay lama bilen ayrim körüshken yaki körüshmigenliki hazirche melum emes.

Dalay lama aldinqi küni yighinning échilish murasimida söz qilip, tibet sergerdan hökümitining musteqilliq telep qilmaydighanliqini, belki xitay ramkisi ichidiki xitay asasiy qanunigha tayan'ghan heqiqiy aptonomiye telep qilidighanliqini eskertip, bu arqiliq tibet xelqining diniy we medeniyitini heqiqiy yosunda qoghdash, tibet xelqining kishilik hoquqigha heqiqiy kapaletlik qilishni qoghlishidighanliqini tekitligen.

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar