1951 - Йилдики тибәт - хитай келишимини имзалап, хитайға өтүп кәткән тибәт сөһбәт вәкили өлди
Хитайда "афей аваң җиңмей"дегән нам билән тонулған напой наваң җигме тибәтлик бир ақсөңәкниң оғли болуп, у 1950 - йили тибәт милли қисимлириниң қомандани иди. Шу йили наваң җигмениң қоманданлиқидики тибәт милли қисими тибәтниң чамдо районида хитай армийиси билән урушқан. Лекин у җәңдә мәғлуп болуп, хитай армийисигә тәслим болған иди.
У йәнә 1951 - йили тибәт вәкилләр өмикигә йетәкчилик қилип, бейҗиң һөкүмити билән тибәтниң аптономийә вә диний әркинлик һоқуқиға капаләтлик қилишни өз ичигә алған, лекин тибәт хитай хәлқ җумһурийитиниң игилик һоқуқидики район икәнликини етирап қилидиған 17 маддилиқ келишимгә имза қойған.
Мәзкур келишим 1959 - йили лхасада қозғилаң партлап, далай лама һиндистанға қечип чиққандин кейин бикар қилинған болсиму, лекин напой наваң җигме хитай һөкүмити билән үзлүксиз һәмкарлишип, хитай мәркизи һөкүмитиниң һәрбий вә һөкүмәт қатлими һәм хитай хәлқ қурултийида муһим рәһбирий хизмәтләрни өтигән. Шинхуа ахбарат агентлиқиниң хәвиригә қариғанда у чаршәнбә күни 99 йешида өлгән.
- Сүбһи мәмәт: "кишәнләнгән киши мениң дадам"
- Японийәдин қайтқан тәтқиқатчи меһриай әркинниң қәшқәр янбулақ қамақханисида җан үзгәнлики айдиңлашти
- Рабийә қадир ханимниң сиңлиси арзугүл қадирниң лагердин чиқип җан үзгәнлики дәлилләнди
- Түркийәдә корона вирусидин юқумланған уйғурларниң сани 3 миңға, қаза тапқанларниң сани 30 ға йәтти
- "шаңхәй тизимлики" дики уйғурлар хитайниң әйибләшлирини рәт қилди
