ب ب س ئاگېنتلىقىنىڭ خەۋەر قىلىشىچە، يەكشەنبە كۈنى تۈركىيە ھۆكۈمىتى دەرھال شىمالىي ئاتلانتىك ئوكيان ئەھدى تەشكىلاتىغا ئەزا مەملىكەتلەرنىڭ يىغىنىنى چاقىرىپ، سۈرىيىگە قانداق چارە قوللىنىش مەسىلىسىنى مۇزاكىرە قىلدى. سۈرىيە تۈركىيە ئايروپىلانىنى ھېچقانداق ئاگاھلاندۇرۇش بەرمەستىن ئېتىپ چۈشۈرۈۋەتكەن بولۇپ، سۈرىيە تەرەپ تۈركىيە ئايروپىلانىنىڭ سۈرىيە تۇپرىقىغا كىرگەنلىكىنى بىلدۈرگەن. بۇ مۇناسىۋەت بىلەن ئەنقەرە ھۆكۈمىتى بۇ ئىشنى ب دت باش كاتىپى ۋە خەۋپسىزلىك كېڭىشىگە ئۇقتۇرغان ئىدى.
نۆۋەتتە، تۈركىيىدە سۈرىيىگە زەربە بېرىش مەسىلىسى ھەققىدە غۇلغۇلىلار كېتىۋاتقان بولۇپ، ھەتتا ئەنگلىيە ھۆكۈمىتى تەرەپمۇ سۈرىيىنىڭ بۇ قىلمىشىنىڭ كىشى چىداپ تۇرالمايدىغان ئىش ئىكەنلىكى، سۈرىيىنىڭ بۇ قىلمىشقا مەسئۇل بولۇشىنى بىلدۈرۈپ، بدت خەۋپسىزلىك كېڭىشىدە سۈرىيىگە نىسبەتەن قاتتىق بېسىم كۆرسىتىدىغانلىقىنى ئەسكەرتكەن.
