Уйғурбиз тор бети 8 - қетим ечилди

Бундин 2 ай илгири хитай һөкүмити тәрипидин буйруқ билән тақалған uighurbiz.com Тор бети мушу айниң 2 - күни uighurbiz.net Дегән намда 8 - қетим қайта ечилди.
Мухбиримиз миһрибан
2009-06-04
Share

Уйғур биз тор бетиниң саһиби илһам тохти әпәнди радиомизниң уйғур бөлүмигә хәт йезип, тор бетиниң қайта ечилғанлиқини хәвәр қилди. Уйғур елидики башқа уйғур тор бәтлириму арқа - арқидин хәвәр берип, "Уйғурбиз" Тор бетиниң қайта ечилғанлиқини тәбриклиди.

Уйғур биз тор бети, хитайдики тор бәтлири ичидә һәққанийәт туйғуси бирқәдәр күчлүк болған, уйғурларниң һазирқи һәқиқий әһвали һәққидә бир қәдәр кәң мәлумат берип келиватқан, уйғур латин йезиқи һәм хитай йезиқидики сәһиписи болған тор бети болуп, уйғурларға аит бәзи сәзгүр мәсилиләр оттуриға қоюлғанлиқи сәвәбидин, хитай һөкүмити тәрипидин чәклинип келиватқан, көп қетим тақалған тор бети иди.

Бундин 2 ай илгири "уйғур биз" тор бетиниң саһиби, мустәқил тәтқиқатчи илһам тохти әпәнди франсийә сәпиридә, франсийә агентлиқиниң һәм әркин асия радио истансиси уйғур бөлүминиң зияритини қобул қилған чағда, хитайниң уйғур елидә йүргүзүватқан қаттиқ қол сияситини һәм хитайниң уйғур аптоном райониға бекитилгән рәиси нур бәкрини тәнқид қилғанлиқи үчүн "уйғур биз" тор бети буйруқ билән хитай һөкүмити тәрипидин 7 - қетим тақалған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.