Xitay ürümchini ottura asiyaning rayon we xelq'araliq hawa qatnash tügünige aylandurmaqchi

Yéqinda xitay ürümchini nopusi besh milyon'gha yetken ottura asiyadiki eng chong soda-iqtisad merkiziy hésablinidighan sheher qilip qurup chiqish pilanini élan qilghandin kéyin, 14-aprél küni qeshqer shehirining yénidiki toqquzaq nahiyiside “Gu'angjow yéngi shehiri” ni qurushni bashlidi.
Muxbirimiz ümidwar
2011.04.17

Shinxu'aning xewer qilishiche, xitay ürümchini ottura asiyaning rayon xaraktérlik we xelq'araliq hawa qatnash tögini qilish qurulushini kücheytken bolup, ürümchi ayrodromi hazir xitayning köpligen sheherlirige biwasite tutashturulghan.

A330, b777, b767 tipliq chong ayropilanlarni ürümchi bilen béyjing we shangxey qatarliq chong sheherler arisida sélishni pilan qilgha.

Ürümchini xelq'ara hawa liniyisining merkiziy süpitide kücheytish pilanlan'ghan bolup, ürümchi bilen almuta, bishkek, islam'abad, yéngi déhli arisida qatnash mewjut. Biraq, 2015-yilighiche semerqent, istanbul, yékatirinaburg, tiblis, lahor we meshed qatarliq sheherler arisida hawa qatnishi yolgha qoyulidiken hem köpeytilidiken.

Xitay hawa qatnash sahesi ürümchining ottura, jenubiy we gherbiy asiya sheherlirige yéqin bolushi, yawropadin aran 7-8 uzaqliqta bolushi, koriye we yaponiyigimu anche yiraq emesliktek merkiziy tügünlük alahidiliki boyiche ürümching kelgüside xitayning eng muhim xelq'araliq hawa qatnash tögini bolidighanliqini höküm qilishqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.