Үрүмчиниң дөңкөврүк районида кәң көләмлик тәкшүрүш вә тутқун қилиш давам қилмақта

Дуня уйғур қурултийиниң баянатчиси дилшат ришитниң билдүрүшичә, бүгүн үрүмчиниң дөңкөврүк әтрапидики җайларда кәң көләмлик тәкшүрүш вә тутқун қилиш һәрикити башланған.
Мухбиримиз шоһрәт һошур
2010.06.29
Share on WhatsApp
Share on WhatsApp

Бу қетимқи тәкшүрүштә, рабийә қадир сода сарийиниң әтрапи вә хәлқаралиқ чоң базар нуқтилиқ тәкшүрүлгән. Вәқәни инкас қилғучиниң дилшат ришитқа билдүрүшичә, 400 гә йеқин қораллиқ сақчи чоң базарни сирттин қоршавға алған; 50 кә йеқин сақчи чоң базарниң ичидики һәр бир қәвәткә бөлүнүп тәкшүрүш елип барған вә назарәт қилған.

Бүгүнки тәкшүрүш давамида 3 киши тутқун қилинған. Әмма уларниң немә үчүн тутқун қилинғанлиқи һазирчә мәлум әмәс. Бу қетим тәкшүрүш елип берилған җайларда, бултурқи 5 - июл вәқәсидин кейин хитай дукандарларниң сани зор дәриҗидә азлап кәткән; мәзкур җайлар йәнә, бу йилниң бешида хитай сақчи даирилири тәрипидин сәзгүр районлар қатариға киргүзүлгән.

Бу қетимқи тәкшүрүш вә тутқун бүгүн йәни сәйшәнбә күни әтигән саәт 10да башланған; саәт икки - үч әтрапида тәкшүрүш кәйпиятидики җиддийчилик юқири пәллигә чиққан. Әмма дөңкөврүктики тәкшүрүшниң ахирлашқанлиқи яки һелиһәм давамлишиватқанлиқи мәлум әмәс.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт