Xu'anéng guruhi Uyghur éligha 100 milyard yüen meblegh salmaqchi

Tengritagh torining bu heqtiki xewiride bildürüshiche, xu'anéng guruhi aldimizdiki 10 yil ichide sherqi jungghar we turpan - qumul énérgiye bazilirida kömür, tok we gaz ishlepchiqirish üchün 100 milyard yüen meblegh salmaqchi.

Xu'anéng guruhining bashliqi mezkur qurulush pilanini teriplep, bu pilan shinjangning tokini sirtqa yötkesh, shinjangning kömürini sirtqa yötkesh, shinjangning gézini sirtqa yötkesh istratégiysini emeliyleshtürüsh üchün dep chüshendürgen.

Xewerde yene, bu qurulush pilanining béyjingda échilghan shinjang xizmet yighinining rohigha asasen tüzülgenliki yeni shinjangda uzun mezgillik eminlikni berpa qilish üchün tüzülgenliki bayan qilin'ghan.

Emma, yillardin béri musteqil tetqiqatchilar, Uyghur rayondiki milliy ziddiyetler bir terep qilinmay turup, rayon'gha sélin'ghan herqandaq bir mebleghning her waqit tehdit astida turidighanliqini, rayondiki zor iqtisadiy qurulushlarning her waqit radikal guruppilarning hujumigha uchrash éhtimalliqini otturigha qoyup kelgen.

Xu'anéng guruhi dölet igilikidiki bir karxana bolup, u Uyghur élining sherqi jungghar we turpan - qumul énérgiye bazisida qurulush élip barmaqchi.