Уйғур тилини билгән хитай язғучиси үчүн мәхсус кутупхана қурулмақта

Уйғурларниң молла билал назим, зунун қадир, лутпулла мутәллип, тейипҗан елиюп, зордун сабир вә һазирқи замандики даңлиқ намайәндилиридин мәмтимин һошур шуниңдәк рози тәмбур, зикри әлпәтта, абдувәли җарулла вә паша ишан қатарлиқ йүзлигән әдиб вә музикантлирини тәрбийиләп өстүргән или дәря вадисида 60 - 70 - йилларда бир мәзгил һаят кәчүрүп, өзи көргән уйғур һаяти һәққидә һекайиләр язған атақлиқ хитай язғучиси ваң мең үчүн мәхсус кутупхана қурулмақта.
Мухбиримиз шөһрәт һошур
2012-06-22
Share


Шинхуа агентлиқиниң хәвәр қилишичә, «ваң мең күтүпханиси» дәп нам берилгән бу қурулуш ваң мең бир мәзгил яшиған ғулҗа шәһириниң йенидики баяндай базирида қурулуватқан болуп, қурулушниң игилигән омумий йәр мәйдани 5.5 Мо, күтүпханиниң игилигән орни 700 квадратметир келидикән. Бу җайға ваң меңниң пүтүн әсәрлири вә башқа китаблар қоюлуп, или вадисидики деһқанлар күтүпханисиға айландурулидикән.

Даңлиқ хитай язғучилири ичидә бирдин бир уйғур тилини билгән ваң меңниң хатириси үчүн мәхсус ясиливатқан бу күтүпхана қурушни хитай нәшрият ширкәтләр гуруһи билән шинҗаң уйғур аптоном районлуқ нәшрият - ахбарат идариси бирликтә қарар қилип мәбләғ салған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.