Хитай мутәхәссислири ваң лечуәнни ағдуруш шуарини қоллимақта

Дөләт сиртидики мәшһур хитай мутәхәссислиридин гу бавшең, ху пиң, яң җәнли, таң бочав қатарлиқ кишиләр түнүгүн, һәммә милләт бирдәк һәрикәтлинип, ваң лечуәнни ағдурушни тәшәббус қилди. Бу тәшәббусчиларниң сепидә шинҗаңдики һәрбийләрму бар.
Мухбиримиз вәли
2009-09-09
Share

Мутәхәссисләрниң бу тәшәббуснамисида ейтилишичә, үрүмчидә йүз бериватқан вәқәләр, совет иттипақи парчиланғандин кейин пәйда болған 'рәңлик инқилап'ларниң йеңи шәкли, хитай коммунист партийисиниң парчилинишини илгири сүрүватқан 'партлатқуч пилтиси'. Бу һәрикәттә ваң лечуәнни ағдуруш хитай коммунист партийисини парчилашниң һазирқи шараиттики муһим бир басқучи.

Мутәхәссисләрниң қаришичә, үрүмчи вәқәлириниң мундақ бир қанчә алаһидилики бар: биринчидин, үрүмчи вәқәлиридә хитай коммунист партийисиниң муһим әмәлдарлири йеқиливатиду, бу, гәрчә хәлқ хитайда биркимни сайлап чиқалмисиму, әмма коммунист партийә өзи бәлгиливалған әмәлдарларни йиқиталайдиғанлиқини испатлиди; иккинчидин, хитай коммунист партийиси үзини сақлаш қелиш үчүн хитай милләтчиликини қозғитиватқан һазирқи әһвалда, һәрбийләрниңму ваң лечуәнни ағдурушқа қатнашқанлиқи хитайларниң ойғинишини илгири сүрүватиду; үчинчидин, һазир хитай коммунист партийиси һакимийәт қурғиниға 60 йил болғанда 'янар тағ' ларниң үстидә қалди, ваң лечуәнниң қаршилиқ көрситиватқанлиқи коммунист партийиниң һалакәткә йүзлиниватқандики ички зиддийитиниң тәсвири.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт