Вен җябавниң аилә тавабиати униң баш министирлиқ дәвридә биһесаб мал-дуня топлиған

Хәвәрдин қариғанда мәзкур гезит бәзи ширкәт вә пай чеки орунлирини тәкшүрүп, вен җябавниң аниси, оғли, қизи вә инисиниң у вәзипигә олтурған мушу мәзгилдә бейип кәткәнликини байқиған.

Хәвәрдә билдүрүшичә, вен җябавниң аилә тавабиати асаслиқ банка, мәрвайит тиҗарити, саяһәтчилик, телефон ширкити, асаси әслиһәләр түрлиригә мәбләғ салған. Улар мәблиғини чәтәлгә дәсми селиш яки пай чеки арқилиқ контрол қилиш қатарлиқ мурәккәп васитиләр билән тутуп турған.

“ню-йорк вақит гезити”, мунасивәтлик ширкәтләрниң 1992‏-йилдин 2012-йилғичә болған арилиқтики һөҗҗәтлирини тәкшүрүп, вен җябав аилиси контрол қилип турған мал-мүлүкни паш қилған.

Анализчиларниң илгири сүрүшичә, “ню-йорк вақит гезити” вен җябавниң мал-мүлкини ашкарилап, хитайниң әң назук нуқтисиға тәгкән.

Хитай ташқи ишлар министирлиқи җүмә күни“ ню-йорк вақит гезити” ниң хәвирини дәрһал рәт қилип, мәзкур гезитни “җуңгоға қара сүркәш” билән тәнқид қилған.