Хитай гаңгодики партлашта яриланған пуқралирини қайтуруп кәлди

Әнглийә б б с агентлиқиниң хәвәр қилишичә, өткән һәптә гаңго пайтәхтидики бир һәрбий искилатта йүзбәргән қаттиқ партлашта 146 адәм өлүп, 1500дин артуқ адәм яриланған болуп, буларниң ичидә 50 әтрапида хитай ишчиси яриланған вә уларниң ичидә 6 нәпири өлгән иди.

Хитай һөкүмити мәхсус айропилан аҗритип, бүгүн яридарларниң 31 нәпәр еғиррақини қайтуруп келип, давалашқа киришти.

Хәвәрдә ейтилишичә, партлаш дәл хитай ишчилири һәрбий аилиләрниң туралғу җайлирини ясаватқан орунниң йенида йүзбәргән болуп, мәзкур хитай ишчилири бейҗиң қурулуш гуруһиға мәнсуп икән.

Йеқинқи вақитлардин буян африқидики хитай ишчилири вә кан қазғучи ширкәт хадимлириға һуҗум қилиш вә тутқун қилиш вәқәләри арқа - арқидин йүзбәргән болуп, техи йеқиндила җәнубий судан қораллиқ гуруппилири бир қисим хитай ишчилирини гөрүгә еливалған иди, бу партлаш шу вәқәдин кейинла йүзбәрди. Гаңгодин қайтуруп келингән ишчиларниң алдиға чиққан хитай муавин ташқи ишлар министири чәт ‘әлләрдә йүзбәргән хитай пуқралириға қаритилған бу бир қатар вәқәләрниң чәтәлләрдики хитай пуқралириниң бихәтәрликиниң күнсайин көп түрлүк мәсилиләргә дуч келиватқанлиқини әскәрткән.