Xitay bayanatchisi bügün qeshqer toghrisida soralghan so'algha jawab bérishni ret qilghan

Xitay tashqi ishlar ministirliqining bügünki axbarat yighinida, xitay bayanatchisi muxbirlarning qeshqer heqqide soralghan so'alini qopalliq bilen ret qilghan.
Muxbirimiz weli
2011-10-26
Share

Radi'omiz xewer tapqan uchurlargha qarighanda, xitay tashqi ishlar ministirliqining bügünki muxbirlar yighinida, muxbirlar bayanatchi jangyüdin, “Qeshqerde shiddetlik hujum weqesi yüz bergendin kéyin, xitay da'iriliri Uyghurlarni basturush üchün pakistan bilen tüzgen herbiy kélishimning mezmunliri néme?” dep sorighan.

Xitay bayanatchisi, xitay bilen pakistan otturisida omumyüzlük istratégiyilik dostluq kélishimi bar, hazir bu ikki döletning hemkarliqi nahayiti yaxshi qanat yéyiwatidu, dep muxbirlar sorighan so'aldin chetneshke térishqan.

Muxbirlar xitay bayanatchisini sorighan so'alning özige jawab bérishke qistighanda, u özini tutalmighan halda, “Xitay bilen pakistanning qeshqer toghrisida qandaq herbiy kélishim tüzgenlikini, sen herbiylerdin sora.” dep qopalliq bilen ret qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet