Хитай биңтүән армийиси ашкара һалда милләтчилик сиясити йүргүзмәктә

Хитай ахбарат вастилиридин болған шинхуа агентлиқи 6 ‏ - ноябир күнидики хәвиридә хитайниң гәнсу өлкисидин уйғур елигә кәлгән икки ача ‏ - сиңилниң пахта терип тапқан 15 миң йүәнни елип юртиға хушал қайтқанлиқини елан қилған болуп, бу хәвәр чәтәлләрдә яшаватқан уйғурларниң наразилиқини қозғиди.
Мухбиримиз әқидә
2008-11-06
Елхәт
Пикир
Share
Принт

Шинхуа агентлиқиниң бу һәқтә бәргән хәвиридә, бу йил 9 ‏ - айда ишләпчиқириш қурулуш армийиси йеза ‏игилик 6 ‏ - девизийиси мәсул болуп оюштурған пахта териш әмгикигә қатнашқан гәнсулуқ икки хитай ача ‏ - сиңилниң күнигә 100 килограмдин пахта терип, җәмий 15 миң йүән кирим қилғанлиқи, буниң билән юртида йеңи өй селип ата ‏ - аниси билән хушал яшаватқанлиқи қәйт қилинған.

Истансимизға мәзкүр хәвәр һәққидә өз инкасини билдүргән уйғур зиялийлири, ишләпчиқириш қурулуш армийисиниң пахта териш әмгикигә изчил түрдә хитай өлкилиридин әмгәкчи йөткәп орунлаштуруватқанлиқини, һәтта уларниң йол кираси, йемәк ‏ - ичмәк вә өй кирасини үстигә елип, пул тепишиға алаһидә ярдәм көрситиватқанлиқини, намрат уйғур деһқанлирини болса бу хил имканийәткә һечқачан йеқин кәлтүрмәйдиғанлиқини билдүрүп, бу ишләпчиқириш қурулуш армийисиниң милләтчилик сияситини ишқа ашуруватқанлиқиниң очуқ бир дәлил ‏ - испати дейишти.

Хәвәрдә йәнә толуқ болмиған ситатистикилиқ мәлуматлардин нәқил кәлтүрүп, бу йил гәнсу, хенән, сичүән қатарлиқ хитай өлкилиридин уйғур дияриға пахта териш үчүн кәлгән адәм саниниң 750 миңға йәткәнлики, уларниң икки ай ичидә 1 милярд 500 миң йүән кирим қилғанлиқи билдүрүлгән.

Пикирләр (0)
Share
Толуқ бәт