Америка деңиз армийә генерали: америка хитайниң деңиз армийә тәрәққиятини йеқиндин көзитип келиватиду

Хитайда һәрбий зиярәттә болуватқан америка деңиз армийә генерали, хитай деңиз армийиси елип келидиған тәһдитниң зор әмәсликини билдүргән болсиму, әмма ройтерста хәвәр қилинишичә, америка даирилириниң хитайниң деңиз армийә тәрәққиятини йеқиндин көзитип келиватқанлиқини илгири сүргән.
Мухбиримиз җүмә
2009-04-20
Share

Хәвәрдә көрситилишичә, америка деңиз армийә генерали гарй рогһеад бейҗиңда өткүзүлгән ахбарат елан қилиш йиғинида, хитайниң деңиз армийә тәрәққиятини чүшинишкә болидиғанлиқи, әмма бу җәрянда өз ара чүшинишни илгири сүрүш үчүн алақини илгири сүрүшниң зөрүрлүкини оттуриға қойған.

Хитай һәрбий даирилири кәлгүсидә авиаматка ясайдиғанлиқини уқтурған болуп, бу һәқтә тохталған америка генерали, хитай армийисиниң авиаматка ясаш тиришчанлиқидин һәйран қалмайдиғанлиқини, әмма мәзкур һәрбий һазирлиқларниң немә мәқсәттә ишлитилидиғанлиқниң муһим мәсилә икәнликиниму қошумчә қилған.

Америка даирилири хитайни һәрбий селинма вә тәрәққият җәһәттә очуқ ашкара болмаслиқ билән әйибләп келиватқан иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт