Хитай америкиниң иран билән сода қилған хитай ширкитини җазалиғанлиқиға нарази болди

Хитай ташқи ишлар министирлики шәнбә күни баянат елан қилип, америкиниң иран билән сода қилған хитай ширкәтлиригә җаза қолланғанлиқиға наразилиқ билдүрди.
Мухбиримиз үмидвар
2012-01-15
Share

Б б с агентлиқиниң хәвәр қилишичә, хитай ташқи ишлар баянатчиси лю веймиң өз баянатида америкиниң бу хил җаза қоллинишиға нисбәтән қаттиқ наразилиқ билдүридиғанлиқи вә қарши туридиғанлиқини көрсәткән.

Америка буниңдин илгири хитайниң иран билән нефит химийә санаити билән мунасивәтлик саһә бойичә сода қилип, иранни чәккиләнгән нефит - химийә мәһсулати билән тәминлигән "җухәй җенроң ширкити"гә ембарго қойған. Америка дөләт ишлири министирлики хитай ширкитидин башқа йәнә икки чәтәл ширкитигиму ембарго қолланған иди. Америка тәрәп бу ширкәтләрниң иранниң ядро техникиси қурулуши үчүн мәбләғ топлап бериш ролини ойнайдиғанлиқини көрсәткән.

Хитай тәрәп америкиниң бу хил ембаргосини асассиз вә б д т бихәтәрлик кеңишиниң иран ядро мәсилисигә аит қарариниң мәзмунлириға хилап дәп әйиблигән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт