Хитай ташқи ишлар министирлиқи баянат берип өзлириниң җасуслуқ қилғанлиқини рәт қилди

Хитай ташқи ишлар министирлиқи баянатчиси ма чавшү сөзидә америкиниң һәрбий мәхпийәтликлиригә еришәләйдиған америка тенч окян қоманданлиқ шитабиниң вашингтон алақә понкитиниң муавин башлиқи фаң делунниң 2004 - йилидин 2008 - йилиғичә болған арилиқта америкиниң һәрбий җәһәттики вә тәйвән мунасивәтлиригә даир мәхпий һүҗҗәтлирини хитай җасусиға сатқанлиқини рәт қилип, америка бундақ соғуқ уруш мәзгилидики роһий һаләтни ишлитип җуңгоға болған испатисз әйибләшләрни тохтитиши керәк, дегән.

У йәнә, "биз америкиниң икки дөләт мунасивитини өз ‏ - ара ишәнч ичидә тәрәққи қилдуруш вә икки дөләт хәлқиниң достлуқини илгири сүрүштә көпрәк күч чиқиришини үмид қилимиз," дегән.

Америка тәкшүрүш идариси бу җасуслуқ делосиға мунасивәтлик болған го тәйшиң, фаң делун вә каң йүшин қатарлиқ үч кишигә җасуслуқ җинайити билән айрим - айрим һалда 16 йиллиқ, бәш йиллиқ вә бир йерим йиллиқ қамақ җазаси бәргән иди.

Гәрчә каң йүшин өзиниң хитай һөкүмитиниң җасуси икәнликини етирап қилған болсиму, хитай һөкүмити буни рәт қилған иди.
   

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар