Bayin'gholinda mongghullar bilen xitay kanchilar arisida toqunush yüz berdi

Uyghur élining bayin'gholin oblastidiki bir guruppa charwichilar bilen u yerde kan échiwatqan xitay köchmenliri arisida ötken hepte toqunush kélip chiqqan.
Muxbirimiz shöhret hoshur
2012.08.17

Weqege xitay köchmenlirining bayin'gholinda kan échish jeryanida otlaqlarning buzulushi, su menbelirining bulghinishi qatarliq yerlik xelqlerning menpe'itining éghir derijide ziyankeshlikke uchrishi seweb bolghan. Hayat yoli we turmush adetliri tehditke uchrighan ahaliler xitay kanchilargha ziyanni melum qilghanda ularning qopal we perwasiz mu'amililirige duch kelgen.

Amérikida pa'aliyet élip bériwatqan jenubiy mongghuliyilikler jem'iyitining tor bétide bayan qilinishiche, xitay kanchilar ürümchidin qara guruhlarni yallap ekélip, shu jaydiki mongghul charwichilargha tehdit salghan. Netijide ikki terep arisida toqunush yüz bérip ikki neper mongghul charwichi éghir derijide yarilan'ghan.

Melum bolushiche, bayin'gholindiki xitay da'iriliri nöwette mezkur weqening jem'iyetke keng bilinip kétishining aldini almaqta. Emma jenubiy mongghuliyilikler jem'iyitining bildürüshiche, nöwette mongghul charwichilarning qolida mezkur toqunushning jeryani, shundaqla, buzulghan otlaq we bulghan'ghan sular heqqide süret we sin xatiriliri bar bolup, ular mesilini qanuniy yol bilen bir terep qilish üchün, öz menpe'etlirige wekillik qilalaydighan bir adwokat izdimekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.