Nobél sahibi: nobél edebiyat mukapatining xitay yazghuchigha bérilgenliki bir "Paji'elik meghlubiyet"

Ilgiri nobél edebiyat mukapatigha érishken nobél sahibi shenbe küni axbarat sahesige qilghan sözide, bu nöwetlik nobél edebiyat mukapatining xitay yazghuchi maw yen'ge bérilgenlikini bir "Paji'elik meghlubiyet" dep süpetligen.
Muxbirimiz jüme
2012-11-24
Élxet
Pikir
Share
Print


Bu sözlerni 2009 - yili nobél edebiyat mukapatigha érishken gérmaniyilik yazghuchi hérta muéllér shenbe küni shwétsiyide chiqidighan "Dagéns nyhetér géziti" ge bildürgen.

Hérta muéllér maw yenning mawzidongning "Edebiyat - sen'et choqum kommunistik partiyini qollishi kérek" liki ilgiri sürülgen bir nutqini qolida köchürüp chiqqanliqini éytqan we buni eybligen.

Gézitte neqil qilishiche hérta muéllér mundaq dégen: hetta xitaylarning özimu maw yenni hökümet ministirliri bilen oxshash deydu. U, pikir erkinlikige qaritilghan chekleshni qollaydu. Bu mukapatining uninggha bérilishi köngülni tolimu ghesh qilidu.

U, nobél edebiyat mukapatidin ibaret bu nopuzluq mukapatning maw yen'ge bérilgenlikige ghezeplinip yighlighusi kepketkenlikni éytqan.

Hérta muéllér esli ruminiyide tughulghan bolup, kéyin gérmaniyige yerleshken. Uning ruminiyidiki adaletsizlikler ipadilen'gen "Yéshil aluchiliq tupraq" namliq romani dangliqtur.

Toluq bet