20 Дөләт гуруһиниң башлиқлар йиғини һарписида хитай пулиниң курси йәнә өрлиди

Хитай даирилири 20 дөләт гуруһиниң башлиқлар йиғини һарписида қарар чиқирип, хитай хәлқ пулиниң курси йәнә қиммәтләндүрүлидиғанлиқини елан қилди. Хитай хәлқ банкиси җүмә күни хәлқ пулиниң курси йәнә өстүрүлүп, хәлқ пулиниң оттуричә курсиниң бир долларға 6 сом 78 тийин 96 сент қилип бекитилидиғанлиқини билдүргән.
Мухбиримиз әркин
2010.06.25
Share on WhatsApp
Share on WhatsApp

Хитай хәлқ банкисиниң бу қарари 20 дөләт гуруһиниң башлиқлири шәнбә күни канаданиң торонто шәһиригә йиғилип, нөвәттики дуня пул - муамилә кризисидин қандақ қутулуш мәсилисини музакирә қилидиған мәзгилдә елан қилинди.

Хитай әмәлдарлири буниңдин бурун 20 дөләт гуруһиниң башлиқлар йиғинида хәлқ пулиниң курсини музакирә қилишқа қарши икәнликини билдүргән иди. Җүмә күнки хәвәрләргә қариғанда, шу күни хәлқ пулиниң курси өсүп, бир доллар нөвәттики 6 сом 82 тийиндин 6 сом 79 тийингә йеқинлашқан.

Президент обама торонтоға қарап йолға чиқиштин бурун мухбирларни күтүвелиш йиғини өткүзүп, хитайниң пул мәсилисидики һәрикитини "иҗабий" қәдәм дәп көрсәткән болсиму, хәлқ пули курси ислаһатиниң ролиға баһа беришниң һазирчә балдурлуқ қилидиғанлиқини билдүрди. У русийә президенти медведеф билән өткүзгән мухбирларни күтүвелиш йиғинида йәнә, америка хитайниң пул курсиниң "өзгиришини күтидиғанлиқини" әскәртти.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.