Nyu-york waqti géziti xitay xakkirlarning hujumigha uchrighanliqini bildürdi

Ularning éytishiche, nyu-york waqti géziti xitay bash ministiri wén jyabawning shexsi mal-mülkige a'it xewerni élan qilghan kündin tartip, üzlüksiz halda hujumgha uchrighan. Bir qisim muxbirlar, xizmetchilerning mexpiy nomurliri oghrilan'ghan, emma wén a'ilisining mülki heqqidiki mexpiy uchurlargha érishelmigen.

Igilinishiche, xitay xakkirlar gézitning shangxey ishxanisining diréktori hem shundaqla wén jyabaw a'ilisi heqqidiki xewerning aptori dawid barboza we gézitning jenubiy asiya döletliri xewerler ishxanisining mudiri jim yardliyning mexpiy nomurlirini oghrilighan. Emma wén jyabaw a'ilisining mülki heqqidiki xewerge a'it sezgür matériyallarning oghrilan'ghanliqi yaki köchürülgenlikini isharet qilidighan bir delil bayqalmighan.

Nyu-york waqti géziti yallighan kompyutér bixeterliki shirkiti xakkirliq hujumlirining ilgiri xitaydin kelgen hujumlarning xaraktérige pütünley oxshaydighanliqini bildürdi. Emma bügün xitay tashqi ishlar ministiri bayanatchisi xewerni “Asassiz” dep ret qildi.

Nyu-york waqti géziti, bultur 10-ayda xitay bash ministiri wén jyabawnng a'ile-tawabi'atlirining mal-dunyasi heqqide bir tepsiliy xewer élan qilghan. Xewerde wén jyabawning a'ile-awabi'atining u wezipe ötewatqan mezgilide soda bilen shughullinip, zor miqdarda mal-dunya toplighanliqi we mal dunyasining 27 milyard dollargha yetkenliki bildürülgen idi.