خىتاي، ياۋروپا - خىتاي ئالىي دەرىجىلىكلەر ئۇچرىشىشىنىڭ كېچىكتۈرۈلۈشىدە فرانسىيىنى ئەيىبلىدى

خىتاي ھۆكۈمىتى ئالدىنقى كۈنى ياۋروپا ئىتتىپاقى بىلەن ئېلىپ بارىدىغان ئالىي دەرىجىلىكلەر ئۇچرىشىشىغا قاتنىشىشنى كېچىكتۈرىدىغانلىقىنى ئۇقتۇرغاندىن كىيىن، بۈگۈن بايانات ئېلان قىلىپ بۇنىڭغا پۈتۈنلەي فرانسىيىنىڭ سەۋەبچى ئىكەنلىكىنى بىلدۈردى.
ﻣﯘﺧﺒﯩﺮﯨﻤﯩﺰ ﺟﯜﻣﻪ
2008-11-27
Share

خىتاي تاشقى ئىشلار باياناتچىسى چىن گاڭ ساركوزىينىڭ دالاي لامانى قوبۇل قىلىش قارارنىڭ خىتاينى بۇ نۆۋەتلىك ئۇچرىشىشتىن چېكىنىپ چىقىشقا مەجبۇرلىغانلىقىنى بىلدۈردى ۋە تىبەت مەسىلىسىنىڭ بېيجىڭ دائىرىلىرى ئۈچۈن ئاچقۇچلۇق مەسىلە ئىكەنلىكىنى ئوتتۇرىغا قويدى.

فرانسىيە پرېزىدېنت ساركوزىي بۇ يىل 6 - دېكابىر پولشادا دالاي لامانى قوبۇل قىلىدىغانلىقىنى ئۇقتۇرغان ئىدى.
 
ئەمما، فرانسىيە تەرەپ ھازىرچە خىتاينىڭ بۇ قارارىغا ئېنىق جاۋاب قايتۇرمىغاندىن سىرت، فرانسىيە ساركوزىيمۇ دالاي لاما بىلەن ئۇچرىشىشنى بىكار قىلىدىغان ياكى قىلمايدىغانلىقى ھەققىدە ئۆز مەيدانىنى ئىپادىلىمىدى.

نۆۋەتتە ياۋروپا ئىتتىپاقىنىڭ رەئىسلىكىنى فرانسىيە ئۈستىگە ئالغان بولۇپ، 1 - دېكابىر دۈشەنبە كۈنى فرانسىيىنىڭ ليون شەھىرىدە 11 - نۆۋەتلىك ياۋروپا - خىتاي ئالىي دەرىجىلىكلەر ئۇچرىشىشى ئېلىپ بېرىلماقچى ئىدى.
پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت