Хитайдики көктатчилар йесивиләклирини йеңи көрситиш үчүн формалин ишләткән

Шинхуа агентлиқиниң хәвәр қилишичә, хитайниң алақидар тармақлири йесивиләккә формалин ишләткән көктатчиларни шәндуң өлкиси чиңҗу шәһиридә байқиған. Әмма хәвәрдә бу хил содигәрләрниң қандақ бир тәрәп қилинғанлиқи, бу хил көктатларниң йәнә қайси җайларға тарқитилғанлиқи һәққидә һечқандақ мәлумат берилмигән.

Хәвәрдә көрситишичә, йесивиләккә формалин ишлитиш адити өткән үч йилдин буян изчил давам қилип кәлгән болуп, бу хаһиш иссиқ күнләрдә техиму әвҗи алидикән.

Формалин хитай сәһийә министирлиқи тәрипидин “йемәк-ичмәк мәһсулатлириға қошушқа болмайдиған химийилик мадда” дәп чәкләнгән болсиму, бу хил химийилик мадда һәтта деңиз мәһсулатлириға ишлитилгән.

Әгәр деңиз мәһсулатлири формалин сүйигә чиланса йеңи вә есил көрүнидикән.

Хитайда 2007-йили сүт меламин қошулған зәһәрлик сүт парашоки вәқәси йүз берип, 300 миң бовақниң зәһәрлигәнлики хәвәр қилинған иди.