2010- Йили хитайда 68 миң адәм әйдиз кесили билән өлгән

Хитай һөкүмити түнүгүн 2010-йили хитайда әйдиз кесили билән өлгәнләр санини елан қилди.
Мухбиримиз меһрибан
2011.04.20

Хитай сәһийә министирлиқи елан қилған статистикилиқ мәлуматта дейилишичә, 2010-йили хитайда 68 миң адәм әйдиз кесили билән өлгән.

Материяллардин мәлум болушичә, хитайда 90-йилларниң башлиридин башлап әйдиз кесили көпийишкә башлиған.

Хитайдики әйдиз кесили зәһәрлик чекимлик чекиш, җинси мулазимәт қилиш шундақла йезилардики қан сетиш қатарлиқ йоллар арқилиқ омумий хәлқ арисиға тарқалған болуп, хитай һөкүмәт даирилириниң мәлуматида хитайда тәхминән 740 миң кишиниң әйдиз вируси билән юқумланғанлиқи ениқланған.

Буларниң ичидә әйдиз кесили дәп диагноз қоюлғанлар сани 140 миңдин ашидикән.

Уйғур ели нөвәттә әйдиз вируси бир қәдәр кәң тарқалған районларниң бири дәп қариливатқан болуп, үрүмчи, ғулҗа қатарлиқ җайларда бу бирнәччә йилдин буян әйдиз вируси билән юқумланғанлар һәм әйдиз кесили сәвәблик өлүп кетиватқанлар сани барғанчә ешип бармақта икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.