بېيجىڭ - جۇخەي يۇقۇرى سۈرئەتلىك تاش يولىدا پۇرۇخ قاچىلىغان بىر چوڭ ئاپتوموبىل پارتلاپ كەتتى
ب ب س نىڭ بايان قىلىشىچە، بۈگۈن ئەتىگەن سائەت نۆلدىن 20 مىنۇت ئۆتكەندە، جاڭشى ئۆلكىسىنىڭ قارا پۇرۇخ قاچىلانغان بىر چوڭ يۈك ئاپتوموبلى، بېيجىڭ - جۇخەي يۇقۇرى سۈرئەتلىك تاش يولىنىڭ خۇبېي ئۆلكسىدىكى قىسمىدا كېتىۋاتقاندا توساتتىن پارتلاپ كېتىپ، نەخ مەيداندا 4 ئادەم ئۆلگەن، 26 ئادەم يارىلانغان. يۇقۇرى سۈرئەتلىك يول ئېغىز دەرىجىدە بۇزۇلغان.
ﻣﯘﺧﺒﯩﺮﯨﻤﯩﺰ ﯞﻩﻟﻰ
2009-12-05
بۇ پارتلاش ۋەقەسى يۈز بەرگەندە، ئەتراپتىكى 10 مەھەللىدە 29 ئادەم يارىلانغان، مىڭدىن ئارتۇق پۇقرا ئۆيلىرى زەخمىلەنگەن.
شىنخۇا ئاگېنتلىقىنىڭ بايان قىلىنىشىچە، بۇ ۋەقە يۈز بەرگەندىن كېيىنلا، قۇتقۇزۇش - داۋالاش تارماقلىرى ھەرىكەتكە كەلتۈرۈلدى. مۇناسىۋەتلىك تارماقلا ھازىر بۇ ۋەقەنى جىددىي تەكشۈرىۋاتىدۇ. ھازىر بېيجىڭ - جۇخەي يۇقۇرى سۈرئەتلىك تاش يولىنىڭ بىر يۈنىلىشدە يىنىك ئاپتوموبىللار قاتناۋاتىدۇ.
