Хәйко шәһиридә ваба тарқилишқа башлиған

Хитайниң хәйнән өлкиси хәйко шәһиридә холера( ваба) тарқилишқа башлиған болуп, ройтерисниң хәвәр қилишичә, нөвәттә холераға гириптар болғучилар ичидә университет оқуғучилириму бар икән.
Мухбиримиз җүмә
2008.11.03

Хәвәрдә көрситилишичә, һазир хәйнән университетиниң йәттә нәпәр оқуғучисиниң мәзкур кесәллик билән юқумланғанлиқи ениқланған болуп, йәнә 70 нәпәр оқуғучи қорсақ ағриқи билән ятаққа елинған.

Һазир хәйко шәһиридә холера билән юқумланған бимарлар сани 51 нәпәргә йәткән болуп, нәтиҗидә хәйнән университет мәктәп дәрвазисини тақап башқиларниң мәктәпкә кириши һәмдә оқуғучиларниң сиртқа чиқишини чәклигән.

Холера паскина су вә йемәкликтин юқидиған бир хил юқумлуқ кесәллик болуп, ичи сүрүш қатарлиқ аламәтләрни пәйда қилидикән.

Өткүр характерлик холера җиддий ичи сүрүш вә бөрәк зәипликини кәлтүрүп чиқирип адәмниң һаятиғиму тәһдит салидикән. Нөвәттә холераниң уйғур елигә тарқалғанлиқи техи мәлум әмәс.
Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.